జోగులాంబ గ‌ద్వాల జిల్లా – జోగులాంబ గ‌ద్వాల జిల్లాకు చెందిన పెద్ద దగ‌డ గ్రామ‌స్థులు సంచ‌ల‌న నిర్ణ‌యం తీసుకున్నారు. ఇక్క‌డ ఏర్పాటు చేయ‌బోయే ఇథనాల్ ఫ్యాక్ట‌రీ (ప్లాంట్ ) త‌మ‌కు వ‌ద్దే వ‌ద్దంటూ నిర‌స‌న వ్యక్తం చేశారు. ఇప్ప‌టికే పెద్ద ఎత్తున ఆందోళ‌నలు చేప‌ట్టారు. ఫ్యాక్ట‌రీ నిర్వాహ‌కుల‌కు వ్యతిరేకంగా మండిప‌డ్డారు. చివ‌ర‌కు గ్రామ‌స్థులంతా ఒక్క‌టై పండుగ‌లు బ‌హిష్క‌రిస్తున్న‌ట్లు తీర్మానం చేశారు. వీరు తీసుకున్న నిర్ణ‌యం సంచ‌ల‌నం రేపింది. దీనిపై జిల్లా క‌లెక్ట‌ర్, జాయింట్ క‌లెక్ట‌ర్ లు మౌనంగా ఉండ‌డం ప‌ట్ల ఆగ్ర‌హం వ్యక్తం చేస్తున్నారు బాధిత గ్రామ‌స్థులు. కంపెనీకి చెందిన వాహ‌నాల‌ను ద‌గ్గం చేసే స్థాయికి వెళ్లింది వీరి ఆందోళ‌న.
రాష్ట్ర ప్రభుత్వం ఈ ప్రాంతంలో ఇథనాల్ ప్లాంట్‌ను స్థాపించే ప్రణాళికలను ఉపసంహరించుకునే వరకు రైతు సమాజానికి ముఖ్యమైన సందర్భమైన ఏరువాక పౌర్ణమితో సహా ఏ పండుగను జరుపు కోకూడదని పెద్ద ధన్వాడ రైతులు, నివాసితులు నిర్ణయించుకున్నారు.
సాంప్రదాయకంగా, రైతులు తమ పొలాలను విత్తడానికి సిద్ధం చేయడం ద్వారా, భూమిని దున్నడం , ఇతర ఏర్పాట్లు చేయడం ద్వారా ఏరువాక పౌర్ణమిని జరుపుకుంటారు. అయితే, ప్రతిపాదిత ప్లాంట్‌కు వ్యతిరేకంగా నిరసనలు వ్యక్తం చేస్తూ జైలు శిక్ష అనుభవించిన రైతుల కుటుంబాలు , గ్రామస్తులు ఈ సంవత్సరం వేడుకలను విరమించుకోవాలని నిర్ణయించుకున్నారు.
సామూహిక నిరసనలకు చలించని కాంగ్రెస్ ప్రభుత్వం పెద్ద ధన్వాడలో ఇథనాల్ ప్లాంట్‌తో ముందుకు సాగనుంది. మా కుటుంబ పెద్దలు జైలులో ఉన్నప్పుడు, మేము పండుగను ఎలా జరుపుకోగలం అని బాధితులు ప్ర‌శ్నించారు. ఏ పండుగను జరుపుకోమంటూ తీర్మానం చేయడం క‌ల‌క‌లం రేపుతోంది.