Ajith Kumar : తమిళ్ స్టార్ హీరో అజిత్. ఇటీవలే ప్రమాదం బారిన పడిన విషయం తెలిసిందే. దుబాయ్ లో జరిగిన కార్ రేసింగ్ లో అజిత్ డ్రైవ్ చేస్తున్న కారు ప్రమాదానికి గురయ్యింది. దుబాయ్‌లోని కార్ రేసింగ్ వేదిక నుంచి అజిత్ కుమార్ తన అభిమానులకు ఇచ్చిన సలహా వీడియో ఇంటర్నెట్‌లో వైరల్ అవుతోంది. నటుడు అజిత్(Ajith Kumar) నటించిన ‘తునీవు’ చిత్రం ఎట్టకేలకు 2023 పొంగల్ పండుగ సందర్భంగా థియేటర్లలో విడుదలైంది. బ్యాంక్ హీస్ట్ ఆధారంగా తెరకెక్కిన ఈ చిత్రం మంచి విజయాన్ని సొంతం చేసుకుంది. బాక్సాఫీస్ వద్ద ప్రేక్షకుల నుండి మంచి ఆదరణ పొందింది ఈ సినిమా. ఈ చిత్రం తరువాత, అజిత్ కుమార్ లైకా సంస్థ నిర్మాణంలో మిజ్ తిరుమేని దర్శకత్వం వహించిన విదాయముర్చి చిత్రంలో నటించడానికి ఒప్పందం కుదుర్చుకున్నారు. గత రెండేళ్లుగా ఈ సినిమా షూటింగ్ నిరంతరం కొనసాగుతోంది. ఈ చిత్రం గతేడాది దీపావళికి విడుదల చేయాలని భావించినప్పటికీ వాయిదా పడుతూ వచ్చింది.
Ajith Kumar Emotional Video..
ఇదిలా ఉంటే, అజిత్ కుమార్(Ajith Kumar) తన తదుపరి చిత్రానికి ప్రముఖ దర్శకుడు అధిక్ రవిచంద్రన్‌తో చేస్తున్నాడు. గుడ్ బ్యాడ్ అగ్లీ అనే టైటిల్ తో తెరకెక్కుతున్న ఈ సినిమా షూటింగ్ శరవేగంగా జరిగింది. ఆ తర్వాత ఈ చిత్రానికి సంబంధించిన అప్‌డేట్‌లు విడుదలై అభిమానులను ఆనందపరిచాయి. సినిమాల షూటింగ్‌ల విరామంలో అజిత్ తన కార్ రేసింగ్‌పై దృష్టి సారించాడు. దుబాయ్‌లో జరిగే 24 హెచ్ మరియు యూరోపియన్ 24 హెచ్ ఛాంపియన్‌షిప్ కార్ రేస్‌లో అజిత్ టీమ్ లీడర్, డ్రైవర్‌గా పాల్గొంటున్నారు.
అజిత్ కార్ రేస్‌లో పాల్గొనడం లేదని ఇప్పుడు ప్రకటించారు. అలాగే అజిత్ తన అభిమానులకు ఎమోషనల్ సలహా ఇస్తున్న వీడియో ఇప్పుడు ఇంటర్నెట్‌లో వైరల్ అవుతోంది. ఆ వీడియోలో ఆయన మాట్లాడుతూ.. ‘‘చాలా మంది అభిమానులు వస్తున్నారు.. చాలా ఎమోషనల్‌గా ఫీల్ అవుతున్నారు. అయితే నేను చెప్పాల్సింది, చెప్పాలనుకున్నది ఒక్కటే. మీరందరూ సంతోషంగా, ఆరోగ్యంగా, మనశ్శాంతితో జీవించాలని భగవంతుడిని ప్రార్థిస్తున్నాను. మీ కుటుంబాన్ని జాగ్రత్తగా చూసుకోండి, మీ కుటుంబ సమయాన్ని వృధా చేయకండి. బాగా చదవండి, కష్టపడి పని చేయండి. మనకు ఆసక్తి ఉన్న పనిలో మనం పాల్గొని విజయం సాధిస్తే అది చాలా మంచిది. కానీ విజయం సాధించకపోతే నిరుత్సాహపడకండి. పోటీ చాలా ముఖ్యం. సంకల్పం , అంకితభావాన్ని వదులుకోవద్దు. లవ్ యూ ఆల్… లవ్ యూ ఆల్ అన్ కండిషన్లీ… టేక్ కేర్ అని అజిత్ ఆ వీడియోలో చెప్పుకొచ్చారు.
Also Read : Hero Vishal : అనారోగ్యం నుంచి కోలుకున్న హీరో విశాల్